Онлайн семинарға тәрбие ісі жөніндегі орынбасары С.Б.Умирзакова қатысты.
Аталған семинарда облыстық ғылыми тәжірибелік орталығы директоры міндетін атқарушы Жеміс Скакова сөз сөйлеп, ұрпақтар буыны сабақтастығындағы қазіргі тәрбие жүйесінің маңыздылығын атап өтті.
Ұрпақтар буыны сабақтастығындағы тәрбие жүйесінің құрылымын талдау, құндылыққа бағдарланған тәрбие тәсіліндегі синергетикалық қарым-қатынасты орнату, Z буын өкілдерін тәрбиелеу ерекшеліктерін анықтаудың өзекті мәселелеріне талдамалар жасалынды.
Тәжірибелік бөлімде қатысушы тәрбие ісі жөніндегі орынбасарлары, аға вожатыйлар, сынып жетекшілері, интернат тәрбиешілері жаңа буын ұрпақтарын тәрбиелеуде тұлғалық және педагогикалық-психологиялық ерекшеліктер маңызын, тәрбие дизайнының алгоритмдерін және ұрпақтар буыны сабақтастығындағы тәрбие жүйесін айқындау бағытында өзара біріге тәжірибе алмасты.
Семинарға қатысушылар тақырыптың өте өзекті және қазіргі тәрбиедегі қажеттілігі зор екендігін атап өтті. Семинар «Жылы тілек» рефлексиясымен қортындыланды.